Leikkonan Laverne Cox var gestadómari í America‘s Got Talent í gærkvöldi og gaf níu ára stúlku með ótrúlega rödd gullhnappinn. Stúlkan er Celine Tam og tileinkaði lagið litlu systur sinni. Hún söng lagið „How Am I Supposed To Live Without You“ eftir Michael Bolton. Celine gaf stórglæsilega frammistöðu og skilaði það henni gullhnappinum frá Laverne Cox. Celine var alls ekki að búast við hnappinum eins og sést á viðbrögðum hennar en hún var rosalega hissa.
Myndbandið var sett á YouTube í gær og hefur nú þegar fengið yfir milljón áhorf. Celine vakti fyrst athygli þegar hún kom fyrst fram í áheyrnaprufunum í júní en þá söng hún lagið „My Heart Will Go On“ með Celine Dion. Það myndband hefur fengið yfir 25 milljón áhorf.
Við getum ekki beðið eftir að sjá meira af Celine Tam en það er öruggt að hún á eftir að ná langt með þessa fallegu rödd!
