America‘s Next Top Model er að stokka upp í hlutunum og breyta sniði þáttanna, aftur! Þættirnir hófu göngu sína árið 2003 og komu út 22 þáttaraðir á tólf ára skeiði. Tyra Banks var kynnir þáttanna í þeim öllum, en Rita Ora tók við keflinu sem kynnir í 23. seríu. Tyra Banks var samt sem áður á bak við myndavélina sem framleiðandi þáttanna og mætti í stutta stund til að hjálpa dómnefndinni að velja sigurvegara í lokaþættinum. Sú þáttaröð var með öðruvísi sniði heldur en þær fyrri og glænýrri dómnefnd.
Hins vegar mun Rita Ora ekki halda áfram heldur mun Tyra Banks snúa aftur sem kynnir, mörgum til mikillar gleði. Þó Rita Ora hafi staðið sig eins og meistari þá er Tyra Banks að sjálfsögðu gyðjan og goðsögnin á bak við þættina.
Það er búið að gera eina stóra breytingu á þáttunum fyrir næstu seríu, en Tyra Banks hefur afnumið aldurshámarkið sem var áður 27 ár. Tyra tilkynnti í myndbandi á Instagram að hún er formlega búin að fella úr gildi þá reglu að keppendur þurfi að vera á aldursbilinu 18-27 ára. Nú þurfa einstaklingar aðeins að vera eldri en átján ára, en það er ekkert hámark á aldri keppenda.
Þú veist, ég hef staðið fyrir fjölbreyttri fegurð… Það hafa verið 23 seríur af ANTM og hverja einustu þáttaröð segjum við að þú þarft að vera 27 ára eða yngri. Veistu hvað ég er alltaf að heyra? „Tyra, kommon. Af hverju að vera með aldurshámark?“
segir Tyra í myndbandinu.
Þannig veistu hvað? Ég ætla að fjarlæga aldurshámarkið. Viltu sækja um í America‘s Next Top Model? Mér er alveg sama hvað þú ert gömul, elskan, þú þarft bara að kunna að „smize“ og vera opin fyrir því að læra að ganga niður tískupallinn eins og súpermódel.
https://www.instagram.com/p/BSWjeFvFYaW/
Þannig það má mögulega búast við fjölbreyttustu þáttaröðinni hingað til, við bíðum spenntar!
