fbpx
Sunnudagur 17.janúar 2021

Gabriela Sif hefur lesið uppáhalds bækurnar tíu og jafnvel fimmtán sinnum

Erla Hlynsdóttir
Sunnudaginn 8. nóvember 2020 10:30

Gabrielu Sif finnst mjög gaman að lesa bækur. Mynd/Stefán Karlsson

Ekki missa af Helstu tíðindum dagsins í pósthólfið þitt

Lesa nánar

Gabriela Sif Ívarsdóttir Larota hefur unun af því að lesa bækur. Uppáhaldsbækurnar hefur hún lesið tíu og jafnvel fimmtán sinnum.

Gabriela Sif er í 6. bekk í Háteigsskóla í Reykjavík. Hún æfir handbolta með Val, spilar á píanó og er mikill lestrarhestur. „Mér finnst skemmtilegast að lesa spennusögur um ráðgátur,“ segir hún.

Hún er búin að sjá myndir eftir öllum Harry Potter-bókunum sem hún hefur lesið, en finnst bækur almennt skemmtilegri en bíómyndir. „Í bókum ímyndar maður sér söguna betur og veit ekki hvernig persónurnar líta út.“

Gabriela Sif les á hverjum degi og finnst þægilegast að lesa í herberginu sínu. „Mér finnst best að lesa í rauðum stól sem mamma hélt fyrst að væri hræðilega óþægilegur en er síðan bara mjög þægilegur,“ segir hún.

Hún á tvær yngri systur, Andreu Lind sem er átta ára nemandi við Ísaksskóla og Júlíu Líf sem fæddist 12. ágúst. Hún er mjög stolt af systrum sínum en segist ekki lesa mikið fyrir þær því henni finnist best að lesa í hljóði.

Flestar bækur sem Gabrielu Sif finnst skemmtilegar vill hún lesa aftur og aftur og segir að allar bækurnar sem hún nefnir hér sem uppáhaldsbækurnar sínar hafi hún lesið tíu og jafnvel fimmtán sinnum hverja. „Oft ef ég er nýbúin að lesa bók þá les ég sömu bókina aftur. Stundum er ég að lesa tvær bækur í einu.“

Gabríela Sif með uppáhalds bækurnar sínar. Mynd/Stefán Karlsson

 

Harry Potter og fanginn frá Azkaban

eftir J.K. Rowling

Útgáfuár: 1999

Harry Potter er galdramaður sem elst upp hjá móðursystur sinni og eiginmanni hennar, en þau eru muggar, fólk sem getur ekki galdrað. Þegar hann var 11 ára gamall var honum boðið að hefja nám við galdraskólann, Hogwarts.

Þetta er þriðja bókin í einum vinsælasta bókaflokki í heimi. Hættulegasti fangi allra tíma, Sirius Black, gamall félagi Voldemorts, hefur sloppið úr hinu rammgerða fangelsi Azkaban. Sirius var sendur í fangelsi fyrir að svíkja foreldra Harrys til Voldemorts. Þegar Harry loksins hittir Sirius kemst hann að því að ekki er allt sem sýnist.

Umsögn Gabrielu Sifjar: Þetta er mjög skemmtileg bók. Hér hittir Harry Potter guðföður sinn og margt spennandi gerist.

 

Molly Moon og dáleiðslubókin

eftir Georgia Byng

Útgáfuár: 2002

Molly Moon er lítil stelpa sem býr á munðarleysingjahæli ásamt fleiri flækingum. Þar fylgist hin grimmilega ungfrú Andersen grannt með krökkunum en Molly eyðir mestum tíma sínum í draumaheimi. Þegar Molly finnur dularfulla bók um dáleiðslu á bæjarbókasafninu, og lærir að koma fólki í trans, þá fara ævintýrin að gerast. Fyrst dáleiðir hún alla sem koma á hæfileikakeppni, og þannig vinnur hún peningaverðlaunin sjálf. Þetta er fyrsta bókin í bókaseríu um Molly Moon.

Umsögn Gabrielu Sifjar: Þessi bók er um stelpu sem lærir að dáleiða og lendir í alls konar skemmtilegum vandræðum.

 

Olla og Pési

eftir Iðunni Steinsdóttur

Útgáfuár: 1987

Olla og Pési er saga með ævintýralegu ívafi. Hún gerist í Reykjavík. Olla elst upp hjá þremur sérvitringum sem búa á síðasta bændabýlinu innan borgarmarkanna. Vandamál kemur upp sem fullorðna fólkið á erfitt með að ráða við. Það stendur ekki eitt, því að Skáldi, Málfríður og hesturinn Rauður leggja sitt af mörkum.

Umsögn Gabrielu Sifjar: Olla og Pési þurfa að leysa ráðgátu þegar ýmsir hlutir fara skyndilega að hverfa úr sumum búðum og þau reyna að finna þessa hluti. Ollu og Pésa er síðan rænt!

 

Hungurleikarnir

eftir Suzanne Collins

Útgáfuár: 2008-2010

Hungurleikarnir er fyrsta bókin í þessum vinsæla þríleik, önnur bókin heitir Eldar kvikna og sú þriðja Hermiskaði. Sögumaður þríleiksins um Hungurleikana er hin sextán ára Katniss Everdeen. Hún býr í ríkinu Panem sem reis á rústum Norður-Ameríku. Kapítal, höfuðborg ríkisins, er umkringd tólf umdæmum og drottna valdhafar hennar yfir öllum í Panem.

Hungurleikarnir eru árlegur viðburður þar sem drengur og stúlka á aldrinum 12 – 18 ára frá öllum umdæmunum tólf eru tilnefnd í hlutaveltu, til að etja kappi í beinni útsendingu upp á líf og dauða. Reglurnar eru einfaldar: Sá sigrar sem heldur lífi

Umsögn Gabrielu Sifjar: Þetta eru þrjár bækur sem gerast í framtíðinni og fjalla um stelpu sem á hræðilegt líf. Hún fer að keppa á Hungurleikunum þar sem bara einn lifir af. Mjög spennandi bækur.

 

Ráðgáta um rauðanótt

eftir Ingibjörgu Möller

Útgáfuár: 1998

Ráðgáta um rauðanótt er verðlaunasaga eftir Ingibjörgu Möller. Þetta var önnur barnabók Ingibjargar. Sagan hlaut fyrstu verðlaun í samkeppni um barnabókarhandrit sem Bandalag kvenna í Reykjavík efndi til í tilefni 80 ára afmælis síns. Aðalsögupersónurnar eru fjórar, tvær stelpur og tveir strákar. Annar strákurinn er alvarlega veikur. Hann fær leyfi til að fara með vinum sínum þremur út í Engey þar sem margt ævintýralegt og óvænt ber við.

Umsögn Gabrielu Sifjar: Þessi bók gerist á Íslandi og úti í eyju sem heitir Engey. Hér er fjallað um týndan strák og bókin er mjög spennandi.

 

Greinin birtist fyrst í helgarblaði DV 30. október.

Einfalt er að kaupa prent- og/eða vefáskrift hér: dv.is/skraning

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fimm líkamsárásir
Albert byrjaði í sigri
Eyjan
Fyrir 5 klukkutímum

Guðlaugur Þór varar við vinstri stjórn – „Þá munum við aldrei ná viðspyrnu“

Guðlaugur Þór varar við vinstri stjórn – „Þá munum við aldrei ná viðspyrnu“
Fókus
Fyrir 6 klukkutímum

Algengustu mistökin þegar kemur að áramótaheitum – „Það er auðvelt að breyta því“

Algengustu mistökin þegar kemur að áramótaheitum – „Það er auðvelt að breyta því“
433Sport
Fyrir 17 klukkutímum

Albert byrjaði í sigri

Albert byrjaði í sigri
Pressan
Fyrir 17 klukkutímum

Bandarísk stjórnvöld opinbera allar upplýsingar um fljúgandi furðuhluti

Bandarísk stjórnvöld opinbera allar upplýsingar um fljúgandi furðuhluti
Fréttir
Fyrir 20 klukkutímum

Lögreglan á Vestfjörðum sendir frá sér tilkynningu – Vegfarendur björguðu konu og ungu barni út úr bílflakinu

Lögreglan á Vestfjörðum sendir frá sér tilkynningu – Vegfarendur björguðu konu og ungu barni út úr bílflakinu
433Sport
Fyrir 20 klukkutímum

Mason Mount reyndist hetja Chelsea gegn Fulham – Fyrsti deildarsigur Chelsea síðan 21. desember

Mason Mount reyndist hetja Chelsea gegn Fulham – Fyrsti deildarsigur Chelsea síðan 21. desember
Pressan
Fyrir 21 klukkutímum

Saka forseta Hondúras um að hafa komið að fíkniefnasmygli til Bandaríkjanna

Saka forseta Hondúras um að hafa komið að fíkniefnasmygli til Bandaríkjanna
433Sport
Fyrir 22 klukkutímum

Staðan á liðunum fyrir toppslag morgundagsins – Óvissa með þátttöku Martial

Staðan á liðunum fyrir toppslag morgundagsins – Óvissa með þátttöku Martial