Í kvöld kl. 20 mun Jón Yngvi Jóhannsson, bókmenntafræðingur og lektor í íslenskum bókmenntum, koma í Lífsstílskaffi í Gerðubergi og spjalla um matreiðslubókina sem hann gaf út í fyrra vor, sem heitir þessu skemmtilega nafni: Hjálp, barnið mitt er grænmetisæta.
Bókin er fyrir alla sem vilja borða meira grænmeti en ráðvilltir foreldrar eru sérstaklega hvattir til að mæta!
Lífsstílskaffi er frá kl.20-22 og eru allir velkomnir.
Jón Yngvi Jóhannsson er bókmenntafræðingur og lektor í íslenskum bókmenntum við Menntavísindasvið Háskóla Íslands. Hann hefur skrifað um bókmenntir í blöð, tímarit og bækur undanfarna tvo áratugi, bæði á íslenskum vettvangi og erlendum. Í fyrra vor venti hann sínu kvæði í kross og gaf út matreiðslubókina Hjálp, Barnið mitt er grænmetisæta! Matreiðslubók fyrir ráðvillta foreldra, vanafasta heimiliskokka, fátæka námsmenn og alla aðra sem ættu að borða meira grænmeti.