Heiðar Sumarliðason heldur úti Rauð síld: kvikmynda- og sjónvarpshlaðvarpi. Í nýjasta þættinum ræða hann og Tómas Valgeirsson, blaðamaður DV, nýjustu mynd Baldvins Z, Lof mér að falla.

Myndin var frumsýnd föstudaginn 7. september og hefur fengið einróma lof bæði áhorfenda og gagnrýnenda. Hvernig ætli þeim félögum hafi litist á myndina? Eða eins og Heiðar skrifar á Facebooksíða Rauðrar síldar: „ Þeir eru þó mjög þrjóskir menn og reyna í nýjasta hlaðvarpi Rauðrar síldar allt hvað þeir geta til að finna á henni vankanta. Spurning hvort þeir hafi fundið eitthvað eða gripið bara í hálmstrá.“

Athugið að umfjöllunin inniheldur spilla, ef að þú átt eftir að sjá myndina.