Nýlega opnaði Kyrrð, viðamikil yfirlitssýning á verkum Louisu Matthíasdóttur, í Listasafni Reykjavíkur – Kjarvalsstöðum. Forseti Íslands, Guðni Th. Jóhannesson, opnaði sýninguna.
Louisa Matthíasdóttir var fædd í Reykjavík árið 1917 og í ár eru liðin 100 ár frá fæðingu hennar, en hún lést í Bandaríkjunum árið 2000 þar sem hún bjó mestan hluta ævinnar. Á sýningunni í vestursal Kjarvalsstaða gefst kærkomið tækifæri til að fá yfirsýn yfir feril listakonu sem hefur túlkað íslenskt landslag á einstakan hátt. Þar má einnig sjá fjölda málverka af reykvísku borgarlífi, kyrralífsmyndir, myndir af fjölskyldu Louisu og henni sjálfri.
Fjöldi gesta mætti við opnun Kyrrðar og lét vel af verkum Louisu.
STJÓRNANDAÞRENNA: Ólöf K. Sigurðardóttir, Guðni Th. Jóhannesson, forseti Íslands, og Jón Proppé, sýningarstjóri Kyrrðar.
EINSTAKUR Í ELDRAUÐRI PEYSU: Hjónin Sigurjóna Sverrisdóttir og Kristján Jóhannesson voru stórglæsileg og Kristján stóð út í þessari flottu rauðu peysu.
Á VIT ÆVINTÝRANNA: Leikkonan Vilborg Halldórsdóttir er á leið til Balí og Taílands þar sem hún verður fararstjóri. Gott að kynna sér Kyrrð áður en ævintýraferðin hefst.
GLÆSILEG Í GRÆNU: Ingibjörg Sólrún Gísladóttir, fyrrverandi utanríkisráðherra og formaður Samfylkingarinnar.
MÆTT GALVÖSK: Unnur Guðjónsdóttir, sem þekkt er fyrir Kínaklúbb hennar, er mikill myndlistarunnandi og lætur sig ekki vanta á góða sýningu.
MENNINGARLEG HJÓN: Hjónin Peggy Helgason og Sigurður Helgason, fyrrverandi forstjóri Flugleiða.
FLOTT LISTATVENNA. Ólöf K. Sigurðardóttir, safnstjóri Listasafns Reykjavíkur, og Markús Þór Andrésson, deildarstjóri sýninga og miðlunar, eru flott teymi.
LISTHNEIGÐ: Hjónin Hrefna Filippusdóttir og Árni Gunnarsson.
BJÖRT FRAMTÍÐ: Hjónin Óttarr Proppé heilbrigðisráðherra og Svanborg Sigurðardóttir bóksali.
BÓKMENNTADROTTNINGAR: Kolbrún Bergþórsdóttir, ritstjóri DV, og Silja Aðalsteinsdóttir bókmenntafræðingur eru landsþekktar fyrir bókmenntaþekkingu þeirra, þær hafa ekki síður áhuga á myndlistinni.
LISTFENG: Hjónin Erna Hauksdóttir og Júlíus Hafstein.
TÖFF Í RAUÐU: Birna Þórðardóttir mætt eldhress.
