35 Eurovision blaðamenn gáfu fyrstu æfingum níu þjóða einkunnir
Svala Björgvinsdóttir lenti í áttunda sæti af níu þar sem 35 blaðamenn dæmdu fyrstu æfingu þjóðanna í gær. Eurovision-vefurinn ESC Today greinir frá niðurstöðunum á vef sínum.
Stigagjöfin var þannig að blaðamenn dæmdu aðeins út frá þessari tilteknu æfingu, gáfu sínu uppáhaldslagi og atriði 5 stig, því næsta þrjú stig og þriðja sæti eitt stig.
Armenar gjörsigruðu þessa könnun og hlutu 100 stig frá blaðamönnunum, Moldóvar hlutu 69 stig en Kýpverjar 40.
Svala okkar fékk aðeins 11 stig svo það virðist sem atriðið hafi ekki beinlínis verið að slá í gegn. Meiri líkur eru auðvitað á því að blaðamennirnir kunni ekki gott að meta.
Komist Ísland á úrslitakvöld Eurovision er útlitið reyndar ekki mjög bjart. Veðbankar spá Svöla og Íslandi 24. Sæti, sem aftur yrði áfellisdómur yfir tónlistarsmekk Evrópu. Við spyrjum að leikslokum og styðjum okkar konu. Áfram Svala!
Hér má sjá brot úr æfingu Svölu:
