Tónlistarmaðurinn Bubbi Morthens hefur komið sterkur inn á samfélagsmiðlinum Twitter undanfarið þar sem hann varpar reglulega fram hinum ýmsu hugleiðingum og hugvekjum í stuttu máli.

Þótt hann hafi alltaf verið óhræddur við að prófa nýja hluti og haldið sér í takti við tíðarandann þá er ólíklegt að hinn sextugi Bubbi leggist undir hnífinn í fegrunaraðgerð á næstunni, ef marka má nýlega færslu hans.

„Lýtaaðgerðir eru vitnisburður um gjaldþrot manna og kvenna gagnvart lífinu.“

Bubbi vinnur þessa dagana að nýrri plötu þar sem hann er undir suðuramerískum áhrifum. Býst hann við að hún komi út 6. júní næstkomandi, á 61 árs afmæli söngvarans.