Ófáir Íslendingar munu sitja límdir fyrir framan sjónvarpstækin í kvöld þegar Svala Björgvinsdóttir stígur á svið í Kænugarði og flytur lagið Paper. Eftir það ræðst hvort Ísland komist áfram í aðalkeppnina þann 13. maí næstkomandi. Nemendur í Laugarnesskóla brugðu út af vananum í tilefni dagsins og sungu saman framlag Íslands til Eurovision keppninnar í ár.
Laugarnesskóli er einn elsti grunnskóli Reykjavíkur en þar hefur tíðkast frá upphafi, árið 1951, að nemendur og starfsfólki syngi morgunsöng á hverjum degi í upphafi skóladags. Það er því fastur liður í skólastarfinu að safnast saman á sal klukkan níu á hverju morgni og hefja upp raustina.
Hér fyrir neðan má hlusta á hrífandi flutning nemendanna.
[youtube https://www.youtube.com/watch?v=Crjw2s0cBJU&w=600&h=480]
