Leikkonan Debbie Reynolds er látin 84 ára að aldri. Hún lést sólarhring eftir að dóttir hennar, Carrie Fisher, lést.

Reynolds lést í gærkvöldi en banamein hennar var heilablóðfall. Dóttir hennar, Carrie Fisher, lést á þriðjudaginn eftir að hafa fengið hjartaáfall um borð í flugvél á þorláksmessu.

Debbie fékk heilablóðfall á heimil sonar síns, Tod Fisher, í gærkvöldi en þau voru að skipuleggja útför Carrie.

Tod staðfesti andlátið í morgun en hann sagði einnig að 15 mínútum áður en móðir hans fékk heilablóðfallið hafi hún tilkynnt sér að sorgin við að missa Carrie væri svo mikil að hana langaði að fara og vera með henni aftur.

Nokkrum klukkustundum síðar var Debbie úrskurðuð látin .