Heimsmeistari Ultimate Elvis Tribute Artist 2024 mun snúa aftur til Íslands 2. maí og halda tónleika í Eldborgarsal Hörpu. Emilio Santoro þeytti frumraun sína í Hörpu með Elvis sýningu sinni haustið 2024, aðeins vikum eftir að hafa unnið hinn eftirsótta titil, þann eina sem Elvis Presley Enterprises veitir á heimili rokkkonungsins Graceland.
Flutningur hans þótti svo góður að áhorfendur í Eldborg stóðu á fætur, dönsuðu og sungu með. Því hafa framleiðendurnir Jamboree Entertainment ákveðið að hinn 23 ára gamli Emilio muni stíga i „bláu súedeskóna“ enn á ný og fagna yngri árum Elvis með stæl.
Með Emilio verður níu manna hljómsveit, The Creoles, og mun hann vekja upp ósvikið útlit, rödd og dansspor þessarar goðsagnakenndu stjörnu þegar hann flytur nokkur af bestu rokklögum allra tíma, þar á meðal Jailhouse Rock, Devil in Disguise, Can’t Help Falling in Love, Hound Dog, Always on My Mind og mörg fleiri.
„Ég er alltaf að leitast við að færa íslenskum áhorfendum fjölbreytt úrval af bestu alþjóðlegu skemmtun sem ég get fundið, í stórkostlegu umhverfi Hörpu. Það eru forréttindi sem framleiðandi að geta fært sýningar á svona heimsklassa vettvang og það hefur verið dásamlegt að sjá áhorfendur njóta þessara frábæru sýninga, hverrar á fætur annarri,“ segir James Cundall, eigandi Jamboree Entertainment í tilkynningu.
