Katla Hreiðarsdóttir, eigandi verslunarinnar Systur&Makar, hefur útbúið aðventudagatal með 24 samverustundum. 

Dagatalið sem Katla gefur öllum til að njóta og má nálgast frítt á vefsíðu Systur&Makar samanstendur af 13 * A4 blaðsíðum sem eru sérstaklega fallegar útprentaðar í lit. Þær þarf að klippa í sundur eftir endilöngu og brjóta svo eftir punktalínunum.

„Tilvalið fyrir þig til að prenta út og njóta með fjölskyldunni, útbúa fyrir vinnustaðinn eða gefa áfram og gleðja fleiri! Hægt er að líma dagatalið upp á vegg í röð (eða ekki í röð), festa á korktöflu eða gata efsta partinn og binda saman með bandi.“

Hver dagur er með litilli jólamynd og hluta úr jólalagi sem kemur þér og þínum vonandi syngjandi inn í daginn, hugmynd að samverustund sem og skemmtilegum eða furðulegum jólasið, íslenskum eða erlendum.

„Ég vona að þú og þínir hafi gagn og gaman að og ég hvet þig til að deila þessu sem víðast svo sem flestir fái að njóta! Innilegar aðventukveðjur, Katla“

Dagatalið má finna hér.