Gífurlega smart eign er nú til sölu í Þorlákshöfn en um er að ræða raðhús þar sem hátt er til lofts sem gerir rýmið einstaklega notalegt.
Eignin er miðsvæðis í Þorlákshöfn og er um að ræða 103,6 fermetra íbúðarhluta og svo innbyggðan bílskúr sem er 26,9 fermetrar. Sólpallur er til suðurs með heitum potti og er góð aðkoma að húsinu og lóð að mestu frágengin.
Geymsla í bílskúr hefur verið útbúin sem svefnherbergi, en auðvelt er að breyta því til baka.
Eldhús er lítið en fallegt með HTH innréttingu og innbyggðri uppþvottavél.
Eins er þar að finna þvottahús sem væri hægt að breyta í lítið svefnherbergi.
Um Þorlákshöfn segir í fasteignaauglýsingu:
„Þorlákshöfn er frábær staður til að búa sér notalegt heimili og ala upp börn. Vinalegur og barnvænn bær í nálægð við aðra þéttbýliskjarna. Í dag er öll þjónusta við barnafólk og fjölskyldur í Þorlákshöfn til fyrirmyndar. Stuttar vegalengdir einfalda allar samgöngur og börnnin geta gengið örugg í skóla og tímstundastarf. Skólarir eru eitt af trompum bæjarins þar sem stutt er vel við bakið á þeim sem þess þurfa.“
Fasteignamat eignarinnar er 52.050.000 kr. og ásett verð er 67.900.000
Nánar má lesa um eignina á fasteignavef DV
