Erlendir fjölmiðlar halda því fram að stórsöngkonan Adele sé komin með nýjan kærasta. Sá heppni á að vera Rich Paul sem er þekktastur fyrir að vera umboðsmaður körfuboltamannsins Lebron James.
Adele og Paul voru mynduð saman á fimmta leik Phoenix Suns og Milwaukee Bucks í úrslitum NBA-deildarinnar og virtist fara afar vel á með þeim, Þess má geta að James sjálfur var einnig á svæðinu.
Adele tilkynnti um skilnað sinn við eiginmanns sinn og barnsföður, Simon Konecki, í apríl 2019 og gekk hann formlega í gegn í mars 2021. Þó að parið hafi skilið virðist fara ágætlega á með þeim því fyrr í mánuðum var tilkynnt um að Adele hefði fjárfest í þriðja einbýlishúsi í Beverly Hills-hverfinu víðfræga í Los Angeles-borg. Kom fram í þeim fréttum að Konecki byggi í einu húsanna.
Adele hefur að eigin sögn verið einhleyp síðan en þó héldu breskir slúðurmiðlar því fram að hún væri að slá sér upp með breska rapparanum Skepta eftir að þau sáust saman á útsölumarkaði í Kaliforníu-ríki.
