Nú er komið að verslunarmannahelginni en því miður er engin Þjóðhátíð í Eyjum eins og margir höfðu vonast eftir. Sóttvarnarreglur koma í veg fyrir að hægt sé að halda hátíðina um helgina og því verða þeir sem keyptu sér miða að dunda sér við eitthvað annað.

LXS-dívurnar, þær Sunneva Einarsdóttir, Birgitta Líf Björnsdóttir, Ástrós Traustadóttir, Hildur Sif Hauksdóttir, Magnea Björg Jónsdóttir og Ína María Norðfjörð, láta það þó ekki stoppa sig og eru mættar til Vestmannaeyja.

Þær hafa leyft fylgjendum sínum að fylgjast með ævintýrum þeirra seinasta sólarhringinn en þær hafa meðal annars farið út að borða og dekrað við sig með hinum ýmsu snyrtivörum.

Í kvöld eru þær með „white on white party“ svo allir eru í stíl í þar á bæ. Hér fyrir neðan má sjá nokkrar myndir frá ferð þeirra til Eyja.

Og að sjálfsögðu fengu þær sér líka föt með LXS merkingunni en þær hafa nú þegar fengið sér húðflúr með skammstöfuninni.