Fjölmargir kaupmálar hafa verið færðir í allsherjarskrá um kaupmála hjá sýslumannsembættunum á landinu í sumar. Meðal þeirra eru kaupmálar hjá leikkonunni Maríu Ellingsen og ljósmyndaranum Carl Mathias Cristopher Lund, en þau gengu í það heilaga í Færeyjum í júní. Brúðkaupið stóð yfir í þrjá daga að færeyskum sið en þann 11. júní var kaupmála skilað inn til Sýslumannsins á höfuðborgarsvæðinu.

Daginn eftir skiluðu söng- og útvarpskonan Erna Hrönn Ólafsdóttir og Jörundur Kristinsson inn sínum kaupmála, en þau giftust um miðbik júní eftir áralangt samband. Kaupmáli er samningur á milli hjóna til að tilgreina þær séreignir sem annar hvor aðilinn á og tilheyra ekki félagsbúi hjónanna.