Hustlers kemur í kvikmyndahús 13. september næstkomandi. Í myndinni fer Jennifer Lopez með hlutverk strippara og þurfti hún að æfa stíft fyrir hlutverkið.
Hún bæði segir frá því og sýnir í nýju myndbandi á YouTube hvernig hún lærði á súluna. Jennifer er í hörkuformi og dansari en samt sem áður reyndist henni þetta verkefni mjög erfitt.
„Þetta tekur mjög á líkamlega. Ég er að reyna að læra undirstöðuatriðin núna. Stripparar hafa mikinn tíma til að æfa sig, þeir geta æft sig á hverju kvöldið. En við höfum stuttan tíma,“ segir Jennifer í myndbandinu.
„Cardi B sagði mér að það hafi tekið hana nokkur ár, hún er ótrúlega góð í þessu, en það tók hana nokkur ár að finna út úr þessu öllu og Joy [kennari minn] var að reyna að kenna mér þetta á sex vikum. Ég er ekki að reyna að láta það líta út fyrir að ég sé í Cirque du Soleil eða vera einhver rosalegur akróbati, ég er bara að reyna að líta út fyrir að hafa verið að strippa í ágætis tíma, mér líður vel á súlunni og ég er örugg,“ segir J-Lo.
Horfðu á myndbandið hér að neðan.
