Svandís Svavarsdóttir mun ekki bjóða sig fram til endurkjörs sem formaður Vinstri hreyfingarinnar græns framoð á landsfundi flokksins á komandi ári.

Þetta tilkynnti hún rétt í þessu í færslu á Facebook.

Hún segir að ákvörðunin sé persónuleg og tekin af yfirvegun eftir samtöl og umhugsun.

Svandís sem verður hefur borgarfulltrúi, ráðherra og þingmaður fyrir flokkinn virðist þó ekki ætla að segja alfarið skilið við stjórnmálin:

„Síðustu tuttugu ár hef ég helgað líf mitt stjórnmálum og baráttunni fyrir betra og réttlátara samfélagi. Sú barátta heldur áfram. Það hafa verið forréttindi að starfa í þágu almennings og fá að vera í framlínu stjórnmálanna allan þennan tíma.“

Vinstri græn eru eins og kunnugt ekki lengur með sæti á Alþingi en Svandís segist hafa fulla trú á mikilvægu hlutverki Vinstri grænna og muni leggja mitt af mörkum til að rödd hreyfingarinnar heyrist skýrt í komandi kosningum. Mannúð, réttlæti og ábyrgð gagnvart náttúrunni hafi aldrei verið brýnni.