fbpx
Þriðjudagur 18.júní 2024
Eyjan

Saka meirihlutann í Kópavogi um brot á skuldbindingum – Úthluti aðeins lóðum til efnameira fólks

Kristinn H. Guðnason
Föstudaginn 31. maí 2024 11:30

Teiknuð mynd af Vatnsendahvarfi. Mynd/Kópavogsbær

Ekki missa af Helstu tíðindum dagsins í pósthólfið þitt

Lesa nánar

Fulltrúar minnihlutans í Kópavogi saka meirihlutann um að fara gegn skuldbindingum og húsnæðisáætlun við úthlutun á lóðum í Vatnsendahvarfi. Ekkert sé hugað að ungu fólki, tekjulágum, námsmönnum og fleiri hópum. Eingöngu verði reist par-, rað- og einbýlishús.

„Með samþykkt þessara úthlutunarskilmála eru virtar að vettugi skuldbindingar bæjarfélagsins lögum samkvæmt sem og í húsnæðisáætlun Kópavogsbæjar, aðalskipulagi Kópavogsbæjar og svæðisskipulagi höfuðborgarsvæðisins um framboð á húsnæði á viðráðanlegu verði til að fullnægja búsetuþörfum allra félagshópa,“ segir í bókun minnihlutans á bæjarráðsfundi í gær. En að honum standa Samfylking, Viðreisn, Píratar og Vinir Kópavogs.

Fyrsta almenna úthlutunin í 9 ár

Yfir stendur annar áfangi í úthlutun lóða í Vatnsendahvarfi, í norðurhluta Vatnsendahverfis við Elliðavatn. Í kynningu bæjarins segir að reistar verði 500 íbúðir í fjölbýli og sérbýli og stefnt sé að því að lóðir í fyrsta áfanga verði byggingarhæfar í apríl árið 2025.

Fulltrúar minnihlutans segja að í afgreiðslu meirihlutans á úthlutunarskilmálum taki ekkert mið af skuldbindingum og markmiðum sem byggist á þeirri reynslu að markaðurinn hafi ekki getað leyst þær fjölbreyttu þarfir sem ungir, tekjulágir, námsmenn og fleiri hópar samfélagsins hafa.

„Kópavogsbær hefur ekki staðið að almennri lóðaúthlutun í 9 ár en því miður tapast hér gullið tækifæri til að leiðrétta þá skekkju, sem orðið hefur með uppbyggingu fjárfesta á þróunarreitum þar sem arðsemiskrafa er leiðarljósið,“ segir þeir.

Brugðist við ákallinu

Ásdís Kristjánsdóttir bæjarstjóri og aðrir fulltrúar Sjálfstæðisflokks og Framsóknarflokks í meirihluta svöruðu þessari gagnrýni.

„Í þessari úthlutun er nær eingöngu um par-, rað- og einbýlishús að ræða. Meiri- og minnihluta greinir á um leiðir að því marki hvernig sem flestir geti eignast þak yfir höfuðið. Hér er verið að auka framboð á lóðum í Kópavogi og slíkt framboð kemur öllum húsnæðismarkaðinum til góða. Mikið hefur verið kallað eftir auknu framboði íbúða á almennan markað og hér er brugðist við því ákalli.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Hjálmtýr gagnrýnir Birgi – Sögurnar hafi þann eina tilgang að auka hatur gegn Palestínumönnum

Hjálmtýr gagnrýnir Birgi – Sögurnar hafi þann eina tilgang að auka hatur gegn Palestínumönnum
EyjanFastir pennar
Fyrir 3 dögum

Óttar Guðmundsson skrifar: Hvalamálið

Óttar Guðmundsson skrifar: Hvalamálið
Eyjan
Fyrir 5 dögum

Logi æpti á Bjarna og sagði hann gera þing og þjóð að athlægi – „Hvað er þessi stjórnarandstaða að reyna“

Logi æpti á Bjarna og sagði hann gera þing og þjóð að athlægi – „Hvað er þessi stjórnarandstaða að reyna“
Eyjan
Fyrir 5 dögum

Nýr flugvöllur gæti kostað 300 til 500 milljarða

Nýr flugvöllur gæti kostað 300 til 500 milljarða
Eyjan
Fyrir 1 viku

Hvað segja lögin umdeildu sem Bjarkey segir binda hendur sínar?

Hvað segja lögin umdeildu sem Bjarkey segir binda hendur sínar?
Eyjan
Fyrir 1 viku

Orðið á götunni: Er landbúnaður atvinnugrein eða lífsstíll?

Orðið á götunni: Er landbúnaður atvinnugrein eða lífsstíll?
Eyjan
Fyrir 1 viku

Guðmundur Ingi vill róttækari VG

Guðmundur Ingi vill róttækari VG
Eyjan
Fyrir 1 viku

Leigumarkaður: Leigufélagið Bríet sagt spillingarbæli Framsóknar sem fari verr með leigjendur en Heimavellir

Leigumarkaður: Leigufélagið Bríet sagt spillingarbæli Framsóknar sem fari verr með leigjendur en Heimavellir