fbpx
Föstudagur 30.september 2022
Eyjan

Nýjar og eldfimar upplýsingar um húsleitina heima hjá Trump

Kristján Kristjánsson
Fimmtudaginn 8. september 2022 08:00

Hvað ætlaði Trump að gera við leyniskjölin? Mynd:Getty

Ekki missa af Helstu tíðindum dagsins í pósthólfið þitt

Lesa nánar

Meðal þeirra skjala sem bandaríska alríkislögreglan FBI fann við húsleit heima hjá Donald Trump, fyrrum Bandaríkjaforseta, fyrir mánuði síðan voru háleynileg skjöl um kjarnorkuvopn annars ríkis. Það þykir að sjálfsögðu mjög alvarlegt mál að leyniskjöl hafi legið óvarin á heimili Trump en nú eru komnar fram upplýsingar um önnur háleynileg skjöl sem fundust á heimilinu.

Það var Washington Post sem skýrði frá því að skjöl um kjarnorkuvopnamál annars ríkis hafi fundist heima hjá Trump. Blaðið hefur einnig skýrt frá því að samkvæmt upplýsingum frá heimildarmönnum þá hafi skjöl sem innihalda upplýsingar um aðgerðir bandarískra leyniþjónustustofnana fundist heima hjá Trump. Það getur lyft málinu upp á annað og enn hættulegra stig fyrir forsetann fyrrverandi.

Mörg þeirra skjala sem fundust heima hjá Trump eru svo leynileg að aðeins æðstu embættismenn og stjórnmálamenn í embættistíð Trump höfðu aðgang að þeim. Skjölin eru með svo háa leyndarflokkun að starfsmenn FBI, sem framkvæmdu húsleitina, höfðu ekki heimild til að fara yfir þau og það sama á við um marga af þjóðaröryggisráðgjöfum Joe Biden forseta.

Washington Post segir að skjölin séu svo leynileg að það eigi að geyma þau í sérstöku öryggisrými. En þess í stað lágu þau heima hjá Trump í 18 mánuði án þess að viðeigandi öryggisráðstafana væri gætt.

Spurningin sem margir velta auðvitað fyrir sér er hvað Trump ætlaði að gera við öll þessi leyniskjöl? Sjálfur hefur hann gefið til kynna að hann hafi ætlað að koma eiginn forsetabókasafni á laggirnar og að það eigi að heita „Donald J. Trump Presidental Library and Museum“.

Hann hefur einnig sakað aðra fyrrum forseta um að hafa tekið skjöl með sér úr Hvíta húsinu þegar þeir létu af embætti. Þar á meðal Barack Obama en Trump sagði hann hafa tekið 30 milljónir skjala með sér. Þessu hafa talsmenn þjóðskjalasafnsins neitað og segir að leyniskjöl frá valdatíð Obama séu undir lás og slá í Washington D.C.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Segir ásökun Tómasar byggða á misskilningi – „Misskilningi sem þarf að leiðrétta“

Segir ásökun Tómasar byggða á misskilningi – „Misskilningi sem þarf að leiðrétta“
Eyjan
Fyrir 4 dögum

Sakar Þjóðskrá um að hafa gripið fram fyrir hendur byggingarfulltrúa við gerð fasteignamats 2023

Sakar Þjóðskrá um að hafa gripið fram fyrir hendur byggingarfulltrúa við gerð fasteignamats 2023
Eyjan
Fyrir 4 dögum

Lýsir yfir sigri í ítölsku þingkosningunum – Giorgia Meloni væntanlega nýr forsætisráðherra

Lýsir yfir sigri í ítölsku þingkosningunum – Giorgia Meloni væntanlega nýr forsætisráðherra
Eyjan
Fyrir 1 viku

Ásdís segir grein stjórnarandstæðings sé ekki til sóma – „Segja rétt frá í stað þess snúa sannleikanum á hvolf“

Ásdís segir grein stjórnarandstæðings sé ekki til sóma – „Segja rétt frá í stað þess snúa sannleikanum á hvolf“
EyjanFastir pennar
Fyrir 1 viku

Björn Jón skrifar: Fjárlög vinstristjórnar og broguð stjórnmál

Björn Jón skrifar: Fjárlög vinstristjórnar og broguð stjórnmál