fbpx
Föstudagur 27.maí 2022
Eyjan

Sigurður segir að stjórnarskránni sé ekki ætlað að standa vörð um óheiðarleika frambjóðenda

Kristján Kristjánsson
Föstudaginn 5. nóvember 2021 08:00

Birgir Þórarinsson. Mynd:Fréttablaðið/Ernir

Ekki missa af Helstu tíðindum dagsins í pósthólfið þitt

Lesa nánar

Í kæru sem Sigurður Hreinn Sigurðsson, stjórnarmaður í Stjórnarskrárfélaginu, sendi undirbúningskjörnefnd Alþingis kemur fram að mikilvægt sé að rætt verði um stöðu Birgis Þórarinssonar sem yfirgaf Miðflokkinn skömmu eftir kosningar og fór í Sjálfstæðisflokkinn. Segir Birgir að stjórnarskránni sé ekki ætlað að standa vörð um óheiðarleika frambjóðenda.

Fréttablaðið skýrir frá þessu í dag. Áður hefur Fréttablaðið skýrt frá því að Inga Sæland, þingmaður Flokks fólksins, telji stöðu Birgis sem þingmanns óljósa þar sem kjörbréf hans hafði ekki verið samþykkt þegar hann skipti um flokk. Inga situr í undirbúningskjörnefndinni.

Í kæru Sigurðar segir að taka þurfi afstöðu til hvort nýkjörnum þingmönnum sé stætt á að skipta um flokk eftir þingkosningar, áður en þing er sett.

Í kærunni segir að samkvæmt 48. grein stjórnskipunarlaga nr. 33/1944 í stjórnarskránni sem og í tillögum stjórnlagaráðs segi að alþingismenn séu aðeins bundnir af sannfæringu sinni en ekki við neinar reglur frá kjósendum eða fyrirmæli frá öðrum.  Inga Sæland segir málið fordæmalaust því Birgir hafi ekki verið kominn með gilt kjörbréf þegar hann skipti um flokk.

Í kæru Sigurðar segir meðal annars: „Það stenst vart siðferðislegar kröfur að villa um fyrir kjósendum með því að bjóða sig fram fyrir tiltekinn stjórnmálaflokk en vera í raun í framboði fyrir annan ótiltekinn flokk. Kjörbréfanefnd þyrfti mögulega að taka afstöðu til þess hvort að 48. grein gildandi stjórnarskrár eigi við um nýkjörna þingmenn sem Alþingi hefur enn ekki staðfest kjörbréf fyrir.”

Hann segir að gildi ákvæðisins afmarkist hugsanlega aðeins við þann tíma sem þingmenn mega taka þátt í þingstörfum og Alþingi sé að störfum. „Það breytir þó ekki því að tilgangur stjórnarskrárákvæðisins er klárlega ekki sá að standa vörð um óheiðarleika frambjóðenda í alþingiskosningum,” segir Sigurður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt