fbpx
Föstudagur 26.nóvember 2021
Eyjan

Segja enga hættu stafa af sölu Mílu – „Molbúaháttur“

Ágúst Borgþór Sverrisson
Miðvikudaginn 20. október 2021 14:00

Mynd: Facebook-síða Símans.

Ekki missa af Helstu tíðindum dagsins í pósthólfið þitt

Lesa nánar

Helgi Vífill Júlíusson, blaðamaður á Markaðnum, segir að Íslendingar þjáist af molbúahætti. Tilefnið er umræða og viðbrögð sem hafa orðið við fréttum um möguleg kaup fransks innviðasjóðs á Mílu af Símanum.

Míla er dótturfyrirtæki Símans og annast ljósleiðaraþjónustu. Fram hefur komið að salan hefur verið rædd í þjóðaröryggisráði og margir hafa áhyggjur af mögulegri sölu innviða úr landi með þessum hætti. Sigurður Ingi Jóhannsson samgönguráðherra sagði við RÚV fyrir skömmu að lagaheimildir séu til staðar til að tryggja megi hagsmuni í þessum viðskiptum. Katrín Jakobsdóttir forsætisráðherra segist binda vonir við frumvarp sem lagt verði fram næsta vetur og eigi að tryggja stjórnvöldum möguleika til að rýna í erlendar fjárfestingar sem teljast hafa gildi fyrir almanna-og þjóðaröryggi (Sjá vef Fréttablaðsins).

Helgi Vífill segir í skoðanagrein í Markaðnum í dag að erlend fjárfesting sé þjóðhagslega mikilvæg:

„Erlend fjárfesting er þjóðhagslega mikilvæg. Með auknu fjármagni fjölgar til dæmis möguleikum til innlendra fjárfestinga, mannauður eflist með samstarfi við erlenda sérfræðinga og áhættu er dreift á fleiri herðar. Hún skiptir miklu máli fyrir lítil einsleit hagkerfi eins og Ísland og stuðlar að hagvexti, stöðugleika og aukinni framleiðni.“

Helgi bendir á að hömlur á erlenda fjárfestingu á Íslandi séu með þeim hörðustu sem þekkist innan OECD-ríkjanna og hafi slíkar fjárfestingar verið litlar í samanburði við nágrannaríkin. Algjör óþarfi sé að óttast sölu á Mílu enda séu aðeins 15% heimila í landinu með ljósleiðara frá Mílu:

„Það er óþarfi að óttast sölu á Mílu. Míla hefur verið í höndum fjárfesta frá einkavæðingu Símans árið 2005. Það ríkir samkeppni í rekstri fjarskiptainnviða en 85 prósent af heimilum landsins eru með ljósleiðaraþræði frá öðrum en Mílu og það eru þrjú farsímakerfi í landinu. Enn fremur stýrir Fjarskiptastofa með kvöðum og gjaldskrám um það bil tveimur þriðju af tekjum Mílu. Verðið getur því ekki hækkað úr öllu valdi við söluna.“

Sjá pistil Helga Vífils

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Guðlaugur er kominn í sóttkví – „Ekki fundið fyrir einkennum og kennir sér einskis meins“

Guðlaugur er kominn í sóttkví – „Ekki fundið fyrir einkennum og kennir sér einskis meins“
Eyjan
Fyrir 3 dögum

Traust afkoma OR fyrstu níu mánuði ársins

Traust afkoma OR fyrstu níu mánuði ársins
Eyjan
Fyrir 1 viku

Baldur yfirgefur Miðflokkinn – Ítrekað orðið vitni að starfsháttum og framkomu sem hann sættir sig ekki við

Baldur yfirgefur Miðflokkinn – Ítrekað orðið vitni að starfsháttum og framkomu sem hann sættir sig ekki við
Eyjan
Fyrir 1 viku

Polestar rafbílar loks fáanlegir hérlendis

Polestar rafbílar loks fáanlegir hérlendis