fbpx
Þriðjudagur 11.ágúst 2020
Eyjan

Vigdís Hauksdóttir líkir trúverðugleika borgarstjóra við listaverk í Breiðholti – „Allt í klessu“

Ritstjórn Eyjunnar
Miðvikudaginn 15. maí 2019 14:00

Ekki missa af Helstu tíðindum dagsins í pósthólfið þitt

Lesa nánar

Vigdís Hauksdóttir, oddviti Miðflokksins í Reykjavík, gekk fram á framúrstefnuleg listaverk í Breiðholti, sem eru hluti af sýningarröðinni Hjólið, sem er á vegum Myndhöggvarafélags Reykjavíkur, í tilefni af 50 ára afmæli félagsins. Listaverkin eru við hjóla- og göngustíga borgarinnar og eru hluti af sýningunni Úthverfi, sem er annar áfangi í röð fimm sýninga í sumar,

Vigdís tók myndir af verkunum og líkir þeim við trúverðugleika Dags B. Eggertssonar, borgarstjóra:

„Þessi „nýju listaverk“ í Breiðholti eru í anda trúverðugleika borgarstjóra eftir alla áfellisdóma eftirlitsstofnana ríkisins yfir borginni
= allt í klessu“

Deilur um ársreikninga

Vigdís stendur í miklum styr við borgarstjóra þessa dagana, ásamt öðrum  fulltrúum minnihlutans, vegna ársreikninga borgarinnar.

Trausti Fannar Valsson, dósent í stjórnsýslurétti við HÍ, hefur gert álitsgerð um málið, sem var skilað 22.apríl og átti að vera gerð opinber á fundi borgarstjórnar í gær, en við það var ekki staðið. Hún er heldur ekki á dagskrá borgarráðsfundar á morgun, en minnihlutinn heldur því fram að innihaldi hennar sé vísvitandi haldið leyndu framyfir undirskrift ársreikninga Reykjavíkurborgar og hafa því sett fyrirvara við undirritun sína, með vísun í álitsgerðina.

Óvissa er með réttarfarsleg áhrif undirritunar ársreiknings Reykjavíkurborgar og hafa Sjálfstæðismenn í borgarstjórn einnig sagst ætla að setja fyrirvara við undirritun þeirra, þar sem þeir samþykki ekki gjörðir sem kunni að vera ólögmætar, eins og framúrkeyrsluna á bragganum og Hlemmi Mathöll.

Samkvæmt minnisblaði frá fjármálaskrifstofu Reykjavíkurborgar, jafngildir undirritun ársreiknings samþykki á öllum fjárútlátum borgarinnar, líka þeim sem fóru langt fram úr áætlun. Með undirritun væri minnihlutinn því að samþykkja braggamálið, Hlemm Mathöll, Félagsbústaði og öll hin verkefnin sem farið hafa framúr áætlunum í kostnaði.

Samkvæmt sveitarstjórnarlögum er óheimilt að greiða fyrir verk án heimildar og hafa fulltrúar minnihlutans sagt að með undirritun væri verið að setja fordæmi fyrir óheimilum fjárútlátum í framtíðinni.

Sjá einnig: Kolbrún Baldursdóttir:„SKRIFAÐU UNDIR OG ÞEGIÐU eru skilaboðin frá meirihlutanum“

Sjá einnig: Vigdís Hauksdóttir:„Þetta er pólitísk kúgun“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

Eyjan
Fyrir 5 dögum

Þungar ásakanir á Vegagerðina eftir ógilta samkeppni um brú yfir Fossvog – „Endanleg staðfesting á því hversu rotið þetta er“

Þungar ásakanir á Vegagerðina eftir ógilta samkeppni um brú yfir Fossvog – „Endanleg staðfesting á því hversu rotið þetta er“
Eyjan
Fyrir 5 dögum

Óli Björn mun ekki greiða atkvæði með skattahækkunum

Óli Björn mun ekki greiða atkvæði með skattahækkunum
Eyjan
Fyrir 1 viku

Staðan á vinstri vængnum: Vænlegir nýliðar og beðið eftir ákvörðun Rósu Bjarkar

Staðan á vinstri vængnum: Vænlegir nýliðar og beðið eftir ákvörðun Rósu Bjarkar
Eyjan
Fyrir 1 viku

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn

Yngstu þingmenn 21. aldarinnar á Íslandi – Tvö jafn gömul upp á dag þegar þau urðu þingmenn