fbpx
Föstudagur 25.september 2020
Eyjan

Telur sendingagjald Íslandspóst geta verið ólöglegt –„Ígildi tolla – Pósturinn rukkar allt tvisvar“

Ritstjórn Eyjunnar
Þriðjudaginn 3. desember 2019 12:27

Breki Karlsson er formaður Neytendasamtakanna

Ekki missa af Helstu tíðindum dagsins í pósthólfið þitt

Lesa nánar

Breki Karlsson, formaður Neytendasamtakanna, sagði í Bítinu á Bylgjunni í morgun að gjald sem Íslandspóstur rukkar fyrir póstsendingar að utan geti verið ólöglegt, en það sé til skoðunar.

Einnig er fjallað um málið í Neytendablaðinu undir heitinu Pósturinn rukkar alltaf tvisvar, þar sem greint er frá því að margar kvartanir hafi borist Neytendasamtökunum vegna hærra verðs á póstsendingum frá útlöndum. Hækkunin er tilkomin vegna gjalds sem Íslandspóstur leggur nú á allar póstsendingar til landsins.

Um er að ræða svokallað sendingagjald, eða endastöðvagjald sem Alþingi heimilaði í vor. Helstu rök Íslandspósts til að fá heimild fyrir gjaldinu hafi verið sendingar frá Kína, en Íslandspóstur hafi hinsvegar lagt gjaldið á sendingar frá öllum löndum, sem hafi komið þingmönnum mörgum hverjum á óvart.

Þar er rukkað 400 kr. fyrir sendingar frá Evrópu og 600 kr. fyrir sendingar frá löndum utan Evrópu. Að auki leggst umsýslugjald á allar sendingar, frá 450 kr. að 995 kr. Þannig kostar að lágmarki 850 krónur að fá sendingar frá Evrópu en að lágmarki 1.050 krónur að taka á móti sendingum frá löndum utan Evrópu.

Ígildi tolla

Breki sagði að hann hefði sent fyrirspurn til ESA, eftirlitsstofnunar EFTA, um lögmæti gjaldsins, þar sem það mætti túlka sem ígildi tolla og setti hömlur á erlenda verslun til að hygla innlendri, en það stríddi gegn samningnum um evrópska efnahagssvæðið.

„Við ætlum ekki að líða það að neytendur verði látnir borga fyrir fortíðarvanda í samkeppnisrekstri“,

sagði Breki með vísun í rekstrarvanda Íslandspósts undanfarinna ára.

Ekkert eftirlit

Svo virðist sem að Póst – og fjarskiptastofnun hafi ekki haft neitt eftirlit með gjaldskrá Íslandspósts og því sé kostnaðurinn við þjónustuna á huldu:

„Við höfum spurt íslandspóst og Póst – og fjarskiptastofnun og svo virðist sem enginn viti hver þessi raunkostnaður er. En svo höfum við heyrt því fleygt að fyrir örfáum árum hafi þessar sendingar komið út í plús og skilað hagnaði, en allt í einu núna séu þær verulega íþyngjandi.“

Íslandspóstur hefur borið því við að helsta ástæðan fyrir tapi á rekstri sé vegna erlendra sendinga. Íslandspóstur fékk sem kunnugt er neyðarlán frá ríkinu til að rétta reksturinn af, sem og leyfi til að leggja gjöld á póstsendingarnar frá útlöndum.

Hinsvegar segja Neytendasamtökin að skattborgarar séu látnir borga misheppnaðar tilraunir Íslandspóst á samkeppnismarkaði:

 „Svör við fyrirspurnum Neytendasamtakanna og niðurskurðaraðgerðir nýs forstjóra vekja upp spurningar um hvort eftirliti hafi verið ábótavant og neytendur séu látnir borga fyrir misheppnaðar tilraunir Íslandspósts til að hasla sér völl á samkeppnismarkaði.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 2 dögum

Dóra Björt stendur keik – „Samherjamálið gerðist, gögn voru birt og Eyþór kemur við sögu. Það er einfaldlega þannig“

Dóra Björt stendur keik – „Samherjamálið gerðist, gögn voru birt og Eyþór kemur við sögu. Það er einfaldlega þannig“
Eyjan
Fyrir 2 dögum

Álfrún spyr hvort það sé kominn tími til að ræða gereyðingarvopn

Álfrún spyr hvort það sé kominn tími til að ræða gereyðingarvopn
Eyjan
Fyrir 4 dögum

„Helst virðast stjórnmálaforingjar vakna til lífsins þegar útdeila á almannafé til sérhagsmuna, jafnvel vildarvina“

„Helst virðast stjórnmálaforingjar vakna til lífsins þegar útdeila á almannafé til sérhagsmuna, jafnvel vildarvina“
Eyjan
Fyrir 4 dögum

Hart tekist á í Silfrinu: „Eigum við að taka á móti öllum? Svaraðu því“ – „Það er skömm og það er hneisa“

Hart tekist á í Silfrinu: „Eigum við að taka á móti öllum? Svaraðu því“ – „Það er skömm og það er hneisa“
Eyjan
Fyrir 6 dögum

Opið bréf með áskorun til ráðherra – Verið að draga úr stuðningi við nýsköpun á landinu öllu

Opið bréf með áskorun til ráðherra – Verið að draga úr stuðningi við nýsköpun á landinu öllu
Eyjan
Fyrir 6 dögum

Segir ásakanir Dóru á sandi reistar – Píratar samþykktu sjálfir skipulagið

Segir ásakanir Dóru á sandi reistar – Píratar samþykktu sjálfir skipulagið
Eyjan
Fyrir 1 viku

Katrín bregst við gagnrýninni – „Það eru 368 einstaklingar, fjölskyldur og börn sem hafa hlotið vernd hér á þessu ári“

Katrín bregst við gagnrýninni – „Það eru 368 einstaklingar, fjölskyldur og börn sem hafa hlotið vernd hér á þessu ári“
Eyjan
Fyrir 1 viku

Meirihlutinn manni færri – Rósa Björk hætt í VG

Meirihlutinn manni færri – Rósa Björk hætt í VG