fbpx
Þriðjudagur 07.apríl 2020
Eyjan

Vilhjálmur með samanburð til varnar Rio Tinto: „Fróðlegt að skoða fjárhagsstöðu þessara tveggja fyrirtækja“

Ritstjórn Eyjunnar
Mánudaginn 28. október 2019 17:03

Ekki missa af Helstu tíðindum dagsins í pósthólfið þitt

Lesa nánar

Vilhjálmur Birgisson, formaður Verkalýðsfélags Akraness, birtir fróðlega tölfræði yfir afkomu Landsvirkjunar og álvers Rio Tinto í Straumsvík síðastliðin sjö ár. Álverið fagnar 50 ára afmæli þessa dagana, en Landsvirkjun hélt upp á 50 ára afmæli sitt árið 2015. Vilhjálmur nefnir að Landsvirkjun hafi í raun verið stofnuð vegna byggingu Búrfellsvirkjunar, fyrstu stórvirkjun landsins,sem sá og sér álverinu fyrir rafmagni og því sé fróðlegt að bera samana afkomu fyrirtækjanna síðustu árin:

„Það má því hæglega halda því fram að álverið í Straumsvík hafi markað upphafið að því stórveldi sem Landsvirkjun er nú orðin, en rétt er að geta þess að álverið í Straumsvík er næst stærsti viðskiptavinur Landsvirkjunar. Það er því eilítið fróðlegt að skoða fjárhagsstöðu þessara tveggja fyrirtækja síðustu 7 ára í ljósi þess að bæði fyrirtækin hafa fagnað 50 ára afmæli,“

segir Vilhjálmur.

Tugmilljarða munur

Vilhjálmur nefnir að Landsvirkjun hafi á síðustu sjö árum hagnast um tæpa 56 milljarða, frá 2012 til 2018. Á sama tíma hafi eigið fé fyrirtækisins aukist um tæpa 50 milljarða.

Til samanburðar hefur álverið tapað um 15 milljörðum króna og eigið fé lækkað um 17.5 milljarða á sama tíma.

Vilhjálmur rekur mismuninn og tap álversins til raforkuverðs Landsvirkjunar, en Vilhjálmur hefur lengi eldað grátt silfur við fyrirtækið:

„Mitt mat er að það sé vegna þess að gerður var nýr raforkusamningur við álverið seinnihluta árs 2010 þar sem álverstengingin var afnumin og raforkuverð hækkaði umtalsvert í kjölfarið. Forsvarsmenn Landsvirkjunar hafna því alfarið að stórhækkun á raforkuverði til Straumsvíkur hafi nokkuð með þessa skelfilegu afkomu að gera og vísa í lækkunar á afurðaverðum og hækkunar hárvöruverðum. Vissulega á það ugglaust einhverja skýringu á lakari afkomu, en alls ekki alla enda nægir að nefna að Norðurál hefur hagnast á sama tíma um tæpa 26 milljarða á meðan tap álversins í Straumsvík er um 15 milljarðar.“

Stóriðjan í stórhættu

Vilhjálmur segir önnur fyrirtæki gætu farið undir vegna verðhækkana Landsvirkjunar:

„En það mun klárlega byrja að halla undan fæti einnig hjá Norðuráli og Elkem Ísland, enda hefur Landsvirkjun einnig náð að knýja nýverið í gegn á grundvelli einokunar á raforkumarkaði umtalsverða hækkun á raforkuverði til Norðuráls og Elkem á Grundartanga. En sú hækkun nemur rúmum 5 milljörðum á ári samanlagt. Það nægir að horfa á afkomutölur álversins í Straumsvík til að sjá að verið sé að ógna atvinnuöryggi og lífsviðurværi þúsunda fjölskyldna sem byggja afkomu sína á Þessum iðnaði vegna græðgisvæðingar Landsvirkjunar.“

Hann bætir svo við að fjármálaráðherra geri lítið í málinu:

„Á meðan þetta er að gerast horfir fjármálaráðherra aðgerðalaus á meðan LV er að stefna lífsviðurværi þúsunda fjölskyldna og byggðarlaga í fullkomna óvissu, en fjármálaráðherrann nuddar bara höndunum saman því það á jú að stofna nýjan þjóðarsjóð. Skítt með atvinnu handa fólkinu og tryggja örugga byggðarfestu, þeim má fórna á græðgisaltari Landsvirkjunar og að hingað sé hægt að leggja sæstreng ef þessi iðnaður lagst af.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Katrín Jakobsdóttir – „Sterkt alþjóðlegt samstarf er nauðsynlegt“

Katrín Jakobsdóttir – „Sterkt alþjóðlegt samstarf er nauðsynlegt“
Eyjan
Fyrir 3 dögum

Kjaraskerðingu hjúkrunarfræðinga frestað – Stefna á grundvallarbreytingar á vaktavinnufyrirkomulaginu

Kjaraskerðingu hjúkrunarfræðinga frestað – Stefna á grundvallarbreytingar á vaktavinnufyrirkomulaginu
Eyjan
Fyrir 4 dögum

Enn bætist í bakvarðasveit heilbrigðisþjónustunnar – Yfir 1000 manns skráðir

Enn bætist í bakvarðasveit heilbrigðisþjónustunnar – Yfir 1000 manns skráðir
Eyjan
Fyrir 4 dögum

Yfirlæknir á Landspítalanum – „Hvernig er hægt að fara á fætur og horfa á sjálfan sig í spegli þegar maður ber ábyrgð á þeirri ákvörðun?“

Yfirlæknir á Landspítalanum – „Hvernig er hægt að fara á fætur og horfa á sjálfan sig í spegli þegar maður ber ábyrgð á þeirri ákvörðun?“
Eyjan
Fyrir 4 dögum

Ragnar Þór: „Hefur ekkert með skoðanir SA eða viðhorf Viðskiptaráðs að gera“

Ragnar Þór: „Hefur ekkert með skoðanir SA eða viðhorf Viðskiptaráðs að gera“
Eyjan
Fyrir 4 dögum

Ný rannsókn: Þú trúir því aldrei hvað Íslendingar sóa miklum mat árlega – Sláandi tölur

Ný rannsókn: Þú trúir því aldrei hvað Íslendingar sóa miklum mat árlega – Sláandi tölur