fbpx
Mánudagur 19.október 2020
Eyjan

Hlutfall landsmanna í þjóðkirkjunni aldrei lægra en nú – Prestar þegið 40 milljarða í laun síðan 1998

Ritstjórn Eyjunnar
Fimmtudaginn 27. desember 2018 10:35

Agnes M. Sigurðardóttir, biskup Íslands.

Ekki missa af Helstu tíðindum dagsins í pósthólfið þitt

Lesa nánar

Aldrei hefur hlutfall landsmanna í þjóðkirkjunni verið lægra. Þann 1. desember síðastliðinn voru 232.672 skráðir í þjóðkirkjuna, eða 65,4 prósent landsmanna og hafði þeim fækkað um rúmlega 2400 frá fyrra ári. Alls eru 122,948 utan þjóðkirkjunnar. Kjarninn greinir frá.

Frá árinu 2009 hefur meðlimum þjóðkirkjunnar fækkað um rúmlega 20 þúsund manns, en á meðan hefur verið hröð fjölgun landsmanna, alls 36 þúsund manns, sem virðist ekki skila sér til þjóðkirkjunnar. Alls voru 92,2 prósent landsmanna í þjóðkirkjunni árið 1992.

Áður fyrr voru öll nýfædd börn skráð í það trúfélag sem móðir barnsins var skráð í. Þar af leiðandi var meirihluti landsmanna skráður sjálfkrafa í þjóðkirkjuna án vitundar og samþykkis. Þessari reglu var fyrst breytt árið 2013, nú þurfa báðir foreldrar að vera skráðir í sama trúfélag, svo barn þeirra skráist sjálfkrafa í sama trúfélag. Ellegar skráist barnið utan trúfélaga.

42 milljarðar á 20 árum

Þjóðkirkjan er á fjárlögum og fær um 5,5 milljarða króna frá skattborgurum landsins árið 2018. Í stjórnarskrá nýtur þjóðkirkjan stuðnings og verndunar ríkisvaldsins umfram önnur trúfélög. Þá er enn í gildi kirkjujarðarsamkomulagið frá 1997 sem fól í sér að ríkið tók yfir um 600 kirkjujarðir, gegn því að greiða laun presta og starfsmanna Biskupsstofu.

Frá því að samkomulagið tók gildi, árið 1998, hefur ríkið greitt þjóðkirkjunni samtals 42 milljarða króna, þar af eru um 40 milljarðar laun til presta, eða um tveir milljarðar á ári.

Fjöldi presta hér á landi telja um 140 manns.

Sjá nánar: Ríkið hefur greitt kirkjunni 42 milljarða á 20 árum fyrir kirkjujarðir – „Ómögulegt“ að vita verðmætið

Minnkandi áhugi og traust

Þá virðist áhugi turtildúfna á að ganga í hnapphelduna innan þjóðkirkjunnar fara minnkandi, þar sem yfir helmingur þeirra sem giftu sig í nóvember gerði það hjá sýslumanni, í stað prests þjóðkirkjunnar, sem virðist þróunin á síðustu árum. Um aldamót var hlutur þjóðkirkjunnar í hjónavígslum 71 prósent, en er innan við 50 prósent árið 2018.

Þá hefur meirihluti almennings kallað eftir aðskilnaði ríkis og kirkju nánast samfleytt frá árinu 1993, í könnunum þess efnis. Í október voru 54 prósent Íslendinga hlynnt aðskilnaði ríkis og kirkju, samkvæmt Þjóðarpúlsi Gallup.

Í sömu könnun kom fram að þriðjungur þjóðarinnar bæri mikið traust til þjóðkirkjunnar, sem var fækkun um tíu prósentustig milli ára. Alls 39 prósent sögðust bera lítið traust til þjóðkirkjunnar.

Ánægjan með störf biskups hefur aldrei verið minni samkvæmt könnun Gallup. Aðeins 14 prósent sögðust ánægð með störf biskups, en 44 prósent sögðust óánægð.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 3 dögum

Borgin greiddi 1,2 milljónir fyrir áfengi og mat á Vinnustofu Kjarvals – „Bruðlað með opinbert fé“

Borgin greiddi 1,2 milljónir fyrir áfengi og mat á Vinnustofu Kjarvals – „Bruðlað með opinbert fé“
Eyjan
Fyrir 3 dögum

Eiríkur skólar til þá Birgi og Ara – „Mér blöskraði satt að segja fáfræði þingmanna“

Eiríkur skólar til þá Birgi og Ara – „Mér blöskraði satt að segja fáfræði þingmanna“
Eyjan
Fyrir 1 viku

Rússneskir grínistar höfðu danska þingmenn að fíflum

Rússneskir grínistar höfðu danska þingmenn að fíflum
Eyjan
Fyrir 1 viku

Alexandra Ýr býður sig fram í ritara Samfylkingarinnar

Alexandra Ýr býður sig fram í ritara Samfylkingarinnar