Nýtt framboð Sigmundar Davíðs Gunnlaugssonar 7,3 prósenta fylgi ef gengið yrði til kosninga í dag. Þetta kemur fram í niðurstöðum nýrrar skoðunarkönnunar MMR á fylgi flokkanna. Athygli vekur að fylgi Framsóknarflokksins, samkvæmt könnununni, er 6,4 prósent. Þetta þýðir að flokkur Sigmundar Davíðs er stærri en Framsókn.
Vinstri græn mælast með mest fylgi íslenskra stjórnmálaflokka, eða 24,7 prósent. Fylgi Sjálfstæðisflokksins hefur lækkað um tæp 2 prósentustig frá síðustu könnun MMR sem lauk 4. september 2017 og mældist nú 23,5 prósent.
Fylgi Samfylkingarinnar (10,4%) hækkaði á milli mælinga og fylgi Pírata (10,0%) lækkaði milli mælinga. Sem fyrr segir mælist fyrirhugaður stjórnmálaflokkur Sigmundar Davíðs með stuðning 7,3% kjósenda og mælist þar með stærri en Viðreisn, Björt framtíð og Framsóknarflokkurinn – sem mælist með 3 prósentustigum lægra fylgi nú en var í upphafi mánaðarins.
Stuðningur við ríkisstjórnina lækkaði milli mælinga. Kváðust 22,5% styðja ríkisstjórnina samanborið við 29,5% í síðustu könnun.
Fylgi Samfylkingarinnar mældist nú 10,4% og mældist 9,6% í síðustu könnun.
Fylgi Pírata mældist nú 10,0% og mældist 13,8% í síðustu könnun.
Fylgi Flokks fólksins mældist nú 8,5% og mældist 9,1% í síðustu könnun.
Fylgi Framsóknar mældist nú 6,4% og mældist 9,7% í síðustu könnun.
Fylgi Viðreisnar mældist nú 4,9% og mældist 7,3% í síðustu könnun.
Fylgi Bjartrar framtíðar mældist nú 2,5% og mældist 3,0% í síðustu könnun.
Fylgi annarra flokka mældist 1,7% samanlagt.
