Samkvæmt sveitarstjórnarlögum sem tóku gildi í byrjun árs 2011 þá eiga sveitarfélög þar sem búa yfir hundrað þúsund manns að hafa 23 til 31 fulltrúa í sveitarstjórn.

Reykjavík hefur um árabil verið yfir þessum mörkum og hefði ofangreindum lögum samkvæmt átt að fjölga sínum fulltrúum úr 15 í 23 til 31 við síðustu sveitarstjórnarkosnignar 2014.

Það gerðist hins vegar ekki þar sem borgin nýtti sér bráðabirgðaákvæði í sveitarstjórnarlögunum. Samkvæmt því var svona stórum sveitarfélög ekki  skylt að breyta fulltrúafjölda fyrr en við aðrar kosningar frá gildistöku laganna. Borgarfulltúar urðu þannig áfram 15 talsins á því kjörtímabili sem nú rennur brátt skeið sitt á enda. Við næstu sveitarstjórnarkosningar sem fara fram 25. maí í vor mun hins vegar að óbreyttu renna endanlega úr stundaglasinu. Fjölga verður borgarfulltrúum.

Málið hefur verið umdeilt. Meðal annars skrifuðu Kjartan Magnússon borgarfulltrúi Sjálfstæðisflokks og Sigríður A. Andersen þingmaður sama flokks og núverandi dómsmálaráðherra gegn fjölgun borgarfulltrúa í blaðagrein fyrir réttu ári síðan.

Sjá grein: Vinstri menn vilja fjölga borgarfulltrúum.

Málið var til umföllunar í borgarstjórn Reykjavíkur í sumar. Þar var tekin fyrir tillaga forsætisnefndar um fjölda borgarfulltrúa.

Líf Magneudóttir borgarfulltrúi Vinstri grænna og forseti borgarstjórnar Reykjavíkur var gestur Péturs Gunnlaugssonar í síðdegisþætti Útvarps Sögu í liðinni viku. Þar spurði Pétur hana um þetta mál. Líf svaraði:

Eins og lögin eru núna, þá ber okkur skylda til þess að fjölga sætunum upp í 23 og þau [lögin] hafa ekkert breyst.

Þannig verður að öllu óbreyttu barist um alla vega 23 stóla í ráðhúsi Reykjavíkur fyrir næstu kosningar sem verða sem fyrr segir 25. maí næstkomandi.

Hér má heyra viðtal Péturs Gunnlaugssonar á Útvarpi Sögu við Líf Magneudóttur forseta borgarstjórnar í heild sinni: