Arnar Grétarsson, fótboltaþjálfari til margra ára og frambjóðandi Viðreisnar í Kópavogi, var gestur Helga Fannars í nýjasta þætti af Íþróttavikunni.

Arnar þjálfaði síðast Fylki í Lengjudeildini í fyrra en liggur ekki á að komast aftur í þjálfaraúlpuna, enda nóg að gera.

„Ég er svolítið með njálg í rassinum svo eftir tímann hjá Val ákveð ég að taka þátt í þessu útboði upp í Vatnsendahverfi, fara að sækja um einhverjar lóðir og við gamli maðurinn kaupum tvær lóðir. Ég seldi húsið mitt og var að afhenda það. Að hreinsa heilt einbýlishús í kosningum er meira en að segja það og ég mæli ekki með því,“ sagði hann.

„Ég er ekki að horfa á Bestu deildina núna og vonast til að einhverjum gangi illa. Mér finnst þessi umræða svo leiðinleg, eins og núna er búið að setja einhvern stuðul á hver verður fyrstur rekinn. Verandi í þessu sæti, að þjálfa, þá er þetta ekki gott og menn finna alveg fyrir þessu.

Úti, nú hef ég aðeins fengið að kynnast því að þjálfa þar í smá og var svo rekinn, það er ekkert persónulegt, auðvitað allt miklu stærra. Hér er allt miklu persónulegra og það er miklu erfiðara. Þú þekkir þennan og hinn og svo verður það kannski þannig að þú talar ekki við aðila, sem er leiðinlegt.“

Nánar í spilaranum.