Pipar\TBWA var valin auglýsingastofa ársins annað árið í röð á ráðstefnu ÍMARK, sem haldin var í Háskólabíó á dögunum. ÍMARK eru samtök íslensks markaðsfólks. Þetta eru eftirsóttustu verðlaun auglýsingageirans en sem fyrr eru það markaðsstjórar íslenskra fyrirtækja sem kjósa.

,,Við erum afar stolt og ánægð með að hljóta þessi stóru verðlaun annað árið í röð,“ segir  Guðmundur Pálsson, framkvæmdastjóri Pipar\TBWA.

Verðlaunin fyrir auglýsingastofu ársins eru veitt fyrir framúrskarandi þjónustu, hugmyndaauðgi, fagleg vinnubrögð og áherslu á árangur viðskiptavina á nýliðnu ári og fleira.

Pipar\TBWA vann einnig tvo lúðra fyrir herferðina ,,Ekki taka skjáhættuna“ sem þau unnu í samstarfi við Sjóvá, Lúðrana fengu þau í flokkunum PR og Veggspjöld og skilti. Þá vann stofan einnig silfur í flokknum Almannaheillaauglýsingar – kvikmynduð auglýsing fyrir ,,Afsakið hlé“ sem stofan vann með UN Women.

„Pip­ar\TBWA hef­ur verið í fremstu röð á Íslandi og nýt­ur þess að vera í sam­starfi við eina stærstu keðju aug­lýs­inga­stofa í heim­in­um, TBWA,“ segir Guðmundur. „Hugmyndaauðgi hef­ur verið helsta sölu­vara okk­ar síðustu ár en við erum það lánsöm að vera með góðan hóp fólks hér á stofunni með mikla og góða reynslu. Í þess­um bransa er fólkið ein­mitt aðal­atriðið, því hug­mynd­ir og ráðgjöf eru það sem þetta geng­ur aðallega út á,“ segir Guðmundur. Í fyrra hafi stofan síðan eflt samskipta- og samfélagsmiðla þjónustu sína sem og PR þjónustu við viðskiptavini. Þá er ár­ang­urs­mæl­ing stór hluti af þjón­ustu Pipar\TBWA og 

„Við erum ár­ang­urs­drif­in, setj­um okk­ur stefnu og mæl­um hvort við náum mark­miðum okk­ar,“ segir Guðmundur. ,,Hug­mynda­fólk stof­unn­ar sækir sér m.a. reglu­lega þekk­ingu og reynslu er­lend­is og vinnur með koll­eg­um inn­an TBWA keðjunnar. Hug­mynda­stjór­ar okk­ar hafa til dæm­is verið að dæma í keppn­um er­lend­is. Þessi teng­ing skil­ar sér öll hingað heim í betri vinnu og fersk­ari hug­mynd­um.“

Pip­ar\TBWA hef­ur þá sér­stöðu meðal aug­lýs­inga­stofa á Íslandi að hafa ráðist í út­rás og rekur stofur í Danmörku, Noregi og Finnlandi. Þá er stafræna markaðsstofan Ceedr dótturfélag Pip­ar\TBWA.