Uppfært 21. janúar 2025: Beðist er afsökunar á því að rangar og villandi upplýsingar eru í fréttatextanum hér að neðan. Maðurinn sem lést var björgunarsveitarmaður sem var við æfingar við Tungufljót er slysið varð. Hann féll ekki í fljótið en óljóst er með hvaða hætti hann hafnaði í fljótinu.
Banaslys varð í dag, þegar karlmaður á fertugsaldri féll í Tungufljót nálægt Geysi. Frá þessu greinir í tilkynnningu frá Lögreglunni á Suðurlandi.
Straumvatnsbjörgunarmenn náðu manninum upp úr Tungufljóti og voru strax hafnar endurlífgunartilraunir á honum, en þær báru ekki árangur.
Í tilkynningunni segir að aðstæður á vettvangi hafi verið krefjandi, rigning og mikið vatnsmagn í ánni.
Tildrög slyssins eru til rannsóknar hjá lögreglunni á Suðurlandi, segir ennfremur.
