Audrii fór frá heimili sínu að morgni fimmtudags í síðustu viku til að fara í skólann og hugðist hún fara með skólarútunni. Hún skilaði sér hins vegar ekki í rútuna og ekki heldur í skólann.
Það var svo síðastliðinn þriðjudag að lík hennar fannst í Trinity-ánni í Texas, en búið var að binda grjót utan um lík hennar til að halda því í kafi.
CNN greinir frá því að McDougal hafi átt að skutla stúlkunni að skólarútunni síðastliðinn fimmtudagsmorgun. Sjálfur neitaði hann aðild að hvarfinu og tók meira að segja þátt í leitinni að henni eftir að hún hvarf.
Samskonar reipi fannst í bifreið McDougal og fannst á líki stúlkunnar. Farsímagögn sem lögregla skoðaði sýndu einnig að hann sagði ósátt um ferðir sínar daginn sem hún hvarf.
Í frétt CNN kemur fram að McDougal hafi verið góður vinur föður Audrii og var hann búsettur í hjólhýsi á lóð fjölskyldunnar. Hann hefur nú verið ákærður fyrir morð og gæti átt dauðadóm yfir höfði sér eða lífstíðarfangelsi án möguleika á reynslulausn.
