Vonbrigðin leyndu sér ekki er Óskar Hrafn Þorvaldsson mætti til viðtals eftir 0-2 tap gegn FC Kaupmannahöfn í Meistaradeild Evrópu í gær.

Liðin mættust í fyrri leik sínum í 2. umferð forkeppninnar og fór hann fram hér heima.

Meira
Óskar Hrafn eftir tapið: „Það var smá högg og sjokk“

Blikar áttu heilt yfir mjög fínan leik en mistök á lykilaugnablikum urðu þeim að falli.

„Mér finnst við ekki vera á þeim stað í dag að við getum bara verið voða sáttir við að ná flottum spilköflum og að hafa náð að pressa á þá. Mér finnst að við eigum að krefjast meira af okkur,“ sagði Óskar við 433.is eftir leikinn í gærkvöldi.

„FCK er með frábært lið en við ætlum okkur að vera komnir lengra heldur en það að spila gegn þessum liðum, spila rosa sætt á milli teiganna og missa svo einbeitinguna á lykilaugnablikum varnarlega og ekki nýta allar stöðurnar sem við fáum.

Það væri best að þurfa ekki að tala um þetta en þetta er vandamál sem skýtur upp kollinum reglulega. Við verðum að verða betri í þessu og verkefnið á Parken er að gera þessa hluti betur.“