Juventus er á höttunum eftir nýjum framherja og hefur samkvæmt ítölskum fjölmiðlum endurvakið áhuga sinn á Jean-Philippe Mateta hjá Crystal Palace.

Franski landsliðsmaðurinn, sem er 28 ára gamall, hefur verið orðaður við Juventus áður en nú virðist ítalska stórliðið tilbúið að skoða möguleikann á að gera formlega tilraun til að fá hann til Tórínó.

Mateta hefur verið í lykilhlutverki hjá Crystal Palace undanfarin tímabil og vakið athygli fyrir markaskorun sína og líkamlega yfirburði í fremstu víglínu.

Juventus er þó ekki aðeins með Mateta á radarnum. Alexander Sørloth, norski landsliðsframherjinn hjá Atlético Madrid, er einnig sagður vera á óskalista félagsins.

Sørloth, sem er 30 ára gamall, hefur byggt upp orðspor sitt sem einn öflugasti framherji Evrópu og gæti reynst áhugaverður kostur fyrir Juventus.