Leikarinn Jeremy Renner lenti í ársbyrjun í hrottalegu slysið þegar hann varð undir snjóbíl sínum. Hann stígur nú fram í fyrsta viðtalinu sem tekið hefur verið við hann frá slysinu. Hann ræddi um slysið við Diane Sawyer og sagði henni hvernig slysið bar að og hvernig líf hans er í dag. Viðtalið verður birt í heild sinni þann 6. apríl en nú hefur þegar verið birt smá brot.

Aðspurður um hvort hann muni eftir sársaukanum svaraði Renner: „Ó, ég man eftir öllu. Ég var með meðvitund allan tímann.“

Sawyer taldi þá upp áverkana sem hann hlaut sem voru meðal annars rúmlega 30 brotin bein og spurði Renner út í þá stund þegar hann sagði „afsakið“ við fjölskyldu sína á táknmáli þegar hann gat ekki talað eftir slysið.

„Já,“ sagði Renner þá eftir smá pásu og átti greinilega erfitt með að rifja þetta upp. En hann sagði að hann hefði valið það að lifa af.

„Þú ert ekki að fara að drepa mig. Engin leið.“

Renner þurfti að gangast undir fjölda aðgerða eftir slysið, en ástand hans var tvísýnt um tíma.

„Ég tapaði mikið af holdi og beinum í þessari lífsreynslu en það er búið að fylla mig af orku, ást og títaníum.“

Sawyer spurði hann þá hvort hann sjái sama manninn í speglinum í dag og hann sá fyrir slysið. Þá brosti Renner og sagði: „Nei, ég sé heppinn mann“