Ari Edwald, oddviti Miðflokksins í Reykjavík, hefur sett íbúð sína að Þorraholti í Garðabæ á sölu. Mikla athygli vakti þegar Ari steig fram sem oddviti hafandi verið búsettur í Garðabæ og Portúgal um árabil.
Íbúðin er 165,2 fm þakíbúð í húsi sem byggt er árið 2025. Óskað er eftir tilboðum í eignina sem Ari keypti fyrir rúmu ári.
Íbúðin skiptist í forstofu, forstofuherbergi, alrými með eldhúsi og stofu, innst í alrýminu er sjónvarpsstofa stúkuð af.
Einnig er hjónasvíta með baðherbergi, svefnherbergi, baðherbergi og þvottahús.
Hægt er að ganga á tveimur stöðum út á 30 fm þaksvalir þar sem er saltvatnspottur og útigeymsla. Á jarðhæð er geymsla og sérmerkt stæði í bílageymslu.
Nánari upplýsingar um eignina má finna hér.
