Það var rífandi stemming á Hringbraut á föstudagskvöld þegar Bjarni Helgason blaðamaður Morgunblaðsins mætti og ræddi fréttir vikunnar hjá Benna Bó ásamt Herði Snævar Jónssyni, fréttastjóra íþrótta hjá Torgi.

Mennta- og barna­mála­ráð­herra út­hlutaði í vikunni 450 milljónum til í­þrótta­hreyfingarinnar vegna tekju­taps af völdum Co­vid. Af styrknum fara ríf­lega 112 milljónir til í­þrótta­fé­laga. Fékk ÍBV lang­mest, 27,4 milljónir eða nær fjórðung alls styrksins til fé­laganna.

Af heildar­upp­hæðinni fara rúm­lega 260 milljónir til sér­sam­banda, tæp­lega 21 milljón til æsku­lýðs­sam­taka og tæp­lega 55 milljónir til í­þrótta­héraða á borð við Í­þrótta­banda­lag Reykja­víkur. Knatt­spyrnu­sam­band Ís­land fékk hæsta fram­lagið að þessu sinni, 110 milljónir, helmingi meira en næsti styrk­þegi sem er Hand­bolta­sam­bandið með 54,7 milljónir króna.

„Við Eyjamenn vildum fá 100 millur en fengum ekki nema 28 milljónir, það var búið að lofa okkur 100 milljónum,“ sagði Hörður Snævar sem á ættir að rekja til Vestmannaeyja.

„Þú þurftir að sýna fram á tekjutap, þú ætlaðir að halda mót, fjáröflun sem þér var bannað að halda.“

Umræðan er í heild hér að neðan.

Fréttavaktin 17. janúar