Það var rífandi stemming á Hringbraut á föstudagskvöld þegar Bjarni Helgason blaðamaður Morgunblaðsins mætti og ræddi fréttir vikunnar hjá Benna Bó ásamt Herði Snævar Jónssyni, fréttastjóra íþrótta hjá Torgi.
A-landslið karla spilaði tvo leiki á dögunum, liðið gerði jafntefli við Eistland en tapaði með naumindum gegn Svíþjóð.
Um var að ræða hálfgert varalið enda ekki alþjóðlegir leikdagar. „Ég held að það sé aldrei gott að horfa djúp í þessi janúar verkefni,“ sagði Hörður Snævar.
„Þetta var að mörgu leyti gott gegn Svíþjóð, það eru bara tveir rýtingar í lok leiks sem kosta liðið sigur. Þetta var bara allt í lagi.“
Undankeppni Evrópumótsins hefst í mars og þá er pressa á Arnari Viðarssyni að sanna ágæti sitt með fullmannað skip.
„Mars, þá byrjar Arnar Þór að leggja vinnu sína i dóm kjósanda. Fjögur stig er lágmarkið.“
Umræðan er í heild hér að neðan.
