Þetta var fyrsta opinbera jarðarför í Bretlandi síðan Winston Churchill dó árið 1965 og er um að ræða stærsta verkefni lögreglunnar í Bretlandi til þessa. Um 2.000 fyrirmennum um allan heim var boðið til athafnarinnar, þar af fimm hundruð þjóðhöfðingjum, bæði kóngafólki og lýðræðislega kjörnum leiðtogum. Guðni Th. Jóhannesson, forseti Íslands, og Eliza Reid forsetafrú voru meðal viðstaddra.
Sjá einnig: Svona gengur „Operation London Bridge“ fyrir sig fram að útför Elísabetar II
Jarðarförin hefur verið í undirbúningi – sem hluti af „Operation London Bridge” áætluninni – í áratugi með aðkomu fjölda aðila og stofnana. Nokkur hundruð þúsund manns voru á götum úti til að votta drottningunni virðingu sína og konungsfjölskyldunni samúð. Talið er að um fjórir milljarðar manna hafi fylgst með athöfninni í sjónvarpinu.
Hér eru nokkrar magnaðar myndir úr jarðarförinni.