Lina Pétursdóttir, athafnakona, birti mynd af sér í vikunni í kjól sem hún var að íhuga að klæðast á samkomu. Í kjölfarið fékk hún skilaboð frá ókunnugum konum sem sögðu stuðandi og óþægilegt að Linda væri að birta af sér mynd í og flegnum bol.

Linda birti í kjölfarið myndband á Instagram þar sem hún tjáði sig um þessar athugasemdir og tók fram að hún léti engan segja sér hvernig hún ætti að klæðast nema bara stílistanum sínum. Auk þess færu fullt af konum á galakvöld í flegnum kjólum skammarlaust.

Fréttablaðið vakti athygli á fréttinni og varð hún sú mest lesna hjá þeim á þriðjudaginn. Linda hefur nú bætt aðeins við fyrra myndband sitt þar sem hún hvetur konur til að standa hvor með annari. Hún deildi myndbandinu í morgun á Facebook.  En deildi því á Instagram í fyrradag.

„Stóra kjólamalið – Aðeins um mest lesnu frétt vikunnar hjá Fréttablaðinu. Ég tjái mig um málið í þessu myndbandi.“

Í myndbandinu segir hún að henni langi aðeins að bæta við það sem hún hafi áður sagt um málið.

„Mig langaði aðeins að koma hérna inn aftur og bæta aðeins við þetta blessaða kjólamál mitt sem er búið að vinda upp á sig,“ segir Linda.

„Mér finnst bara svo áhugavert að pæla í hugsunarhættinum því þetta snýst allt um það hvernig þú kýst að hugsa og hvaða tilfinningu þú ert að upplifa sem veldur því að þú sendir álíka skilaboð á ókunnuga manneskju.“

Linda segir að hún hafi fengið á fjórða hundrað skilaboða með stuðningi eftir að hún birti fyrra myndbandið, en vill þó taka fram að hún hafi ekkert tekið gagnrýnina inn á sig.

„Ég er alveg góð sko. Þetta hefur engin áhrif á mig. Ég er svo heppin að vinna við að kenna öðrum um áhrif hugsana á líf okkar svo ég er alveg góð í þeim efnum.“

Linda segir að sjálf hafi hún það að leiðarljósi í lífinu að standa alltaf með öðrum konum. Hún ákvað í því samhengi að lesa upp ljóð Guðnýjar Bjartrar Pálmadóttur, Frá konu til konu, en umrætt ljós hefur fengið að fylgja henni á mörgum ferðalögum.

„Vertu sterk, vertu stolt
hafðu djörfung og dug.
Horfðu upp, dreymdu hátt
og segðu alltaf þinn hug.

Vertu heil, vertu trú
eltu þrà og þitt hjarta.
Elskaðu sjálfa þig mest
og þín er framtíðin bjarta.“

Linda telur að konur eigi að hvetja og styðja hverja aðra.

„Ég er samt á því að við eigum að vera hvetjandi og við konur sérstaklega, við eigum að styðja hvor aðra. Ég trúi því líka að sterkar og öruggar konur sjá það jákvæða í fari annara kvenna og með því læt ég þessu máli lokið.“