Fabrizio Romano segir að Manchester City verði að klára kaupin á Jack Grealish í þessari viku, eigi leikmaðurinn ekki að skrifa undir nýjan samning við Aston Villa.

Hinn 25 ára gamli Grealish hefur verið sterklega orðaður við Englandsmeistaranna í sumar. Talið er að Villa sé með 100 milljóna punda tilboð á borðinu frá Man City.

Nú er þó útlit fyrir að félagið þurfi að hafa hraðar hendur.

Man City dreymir um að kaupa bæði Harry Kane, framherja Tottenham og Grealish í þessum glugga.

Kane mætti ekki til æfinga hjá liði sínu í morgun, líkt og hann átti að gera. Félagið hefur þó staðið fast á því hingað til að hann sé ekki til sölu.