Manchester City gæti þurft að borga allt að 150 milljónir punda til þess að fá Harry Kane til liðs við sig frá Tottenham. Þetta segir Telegraph.

Hinn 28 ára gamli Kane hefur verið mikið orðaður við Manchester City í allt sumar. Félagið bauð 100 milljónir punda í framherjann fyrr í sumar. Því tilboði var þó hafnað af Tottenham.

Í morgun brutust svo út þau tíðindi að Kane hafi ekki mætt til æfinga hjá Tottenham. Hann átti að snúa aftur úr stuttu fríi í dag.

Það er því útlit fyrir það að Kane ætli sjálfur að reyna að koma skiptum í gegn. Hann telur sig hafa gert heiðursmannasamkomulag við Tottenham fyrir ári síðan, þess efnis að hann fengi að fara nú í sumar.

Man City er ekki tilbúið að borga 150 milljónir punda fyrir Kane að svo stöddu.

Englandsmeistararnir eru taldir líklegir til að ganga frá 100 milljóna króna félagaskiptum á Jack Grealish frá Aston Villa á næstunni.