Boris Johnson, forsætisráðherra Bretlands, gleymdi að nefna Wales er hann óskaði löndum Bretlands góðs gengis á Evrópumóti landsliða.

Johnson óskaði Englendingum og Skotum góðs gengis á mótinu en virtist hafa gleymt því, eða ekki vitað, að Wales væri einnig þátttakandi á mótinu. Hann bætti einfaldlega við ,,og annari heimaþjóð ef hún skildi vera að keppa“ eftir að hafa sýnt enska og skoska landsliðinu stuðning. Paul Kelso, fréttamaður á Sky News vakti athygli á þessu á Twitter í dag.

England og Skotland eru saman í riðli á EM, ásamt Tékkum og Króötum. Wales er í riðli með Ítölum, Tyrkjum og Sviss. Mótið hefst á morgun.

Boris Johnson wishes Scotland and England well in the Euros "and any other home nations that may be competing". Think the word he was looking for is "Wales"

— Paul Kelso (@pkelso) June 9, 2021