Manchester United er komið nær því að ráða Michael Carrick sem fastan knattspyrnustjóra félagsins.

Fulltrúar Carrick hafa átt fundi á æfingasvæði félagsins í Carrington, en þó er enn ekki búið að ganga frá samningsatriðum. Forráðamenn United hafa sett viðræður við Carrick í forgang, þó þeir útiloki ekki að skoða aðra kosti.

Félagið vill taka ákvörðun sem fyrst þar sem aðeins tveir leikir eru eftir af tímabilinu og mikilvægt er að hafa skýra stefnu fyrir sumargluggann.

Íþróttastjórinn Jason Wilcox og framkvæmdastjórinn Omar Berrada eru sagðir styðja ráðninguna og hafa mælt með Carrick við eigandann Sir Jim Ratcliffe.

Carrick, sem er 44 ára, hefur styrkt stöðu sína með góðum árangri undanfarið, meðal annars með því að tryggja liðinu sæti í Meistaradeildinni á næsta tímabili.