Arsenal hefur bæst í hóp félaga sem hafa áhuga á Mateus Fernandes, miðjumanni West Ham United.
Arsenal vill styrkja miðjuna fyrir næsta tímabil og auka samkeppni við lykilmenn á borð við Declan Rice. Fernandes, sem er aðeins 21 árs, hefur vakið athygli með frammistöðu sinni þrátt fyrir að West Ham eigi í fallbaráttu.
Manchester United hefur einnig verið orðað við leikmanninn og þá hefur Paris Saint-Germain fylgst með stöðu hans.
West Ham keypti Fernandes á síðasta ári í samningi sem gæti numið allt að 42 milljónum punda og er félagið staðráðið í að halda honum. Samningur hans gildir til næstu fjögurra ára, sem styrkir stöðu félagsins í mögulegum viðræðum.
