Southampton gæti verið vísað úr umspili ensku B-deildarinnar ef félagið verður fundið sekt í svokölluðu „njósnamáli“ sem nú er til meðferðar.

Málið snýst um atvik þar sem starfsmaður Southampton var gripinn við að mynda æfingu Middlesbrough fyrir fyrri leik liðanna í undanúrslitum umspilsins. Enska knattspyrnusambandið (EFL) hefur þegar ákært félagið fyrir brot á reglum.

Southampton vann seinni leikinn 2-1 og tryggði sér sæti í úrslitaleiknum á Wembley gegn Hull City, en sú viðureign er nú í mikilli óvissu.

Middlesbrough hefur farið fram á að Southampton verði dæmt úr leik og að þeir taki sæti þeirra í úrslitunum. Ef sannað verður að njósnir hafi átt sér stað ítrekað gæti það orðið niðurstaðan.

Óháð aganefnd mun taka málið fyrir á næstu dögum og gæti niðurstaða legið fyrir innan viku.

Úrslitin gætu haft veruleg áhrif á umspilið, þar sem bæði andstæðingur Hull og jafnvel dagsetning úrslitaleiksins gæti breyst.