Hinir þekktu hönnuðir Gunni Hilmarsson og Kolbrún Petrea Gunnardóttir fengu það eftirsótta verkefni að hanna fatalínu fyrir einkennisbúninga flugfélagsins Play sem fer í loftið á næstunni. Gunni hefur nú afhjúpað afraksturinn á Facebook eins og gefur að líta á meðfylgjandi myndum.
„Það var okkur Kollu svo sannarlega mikill heiður og fyrst og fremst ánægja að fá að hanna PLAY fatalínuna. Þetta er ný nálgun og tímabærar breytingar í flugheiminum. Takk fyrir okkur PLAY,“ segir Gunni.
