Raunveruleikastjarnan Kim Kardashian brotnar niður í nýjasta þætti Keeping Up With The Kardashian. Í þættinum er sýnt frá því hvernig Kim var að takast á við hjónabandserfiðleika í nóvember 2020.

Systurnar fara saman í ferðlag til Lake Tahoe í þættinum og spyr Khloé hana út í samband hennar og Kanye West. „Við erum ekki að rífast núna,“ svarar hún.

Khloé segir þá við myndavélina: „Kim er að glíma við svo mikið núna og þetta er erfitt því áður en við fórum rifust þau.“

Það er síðan sýnt frá því þegar Kim brotnar niður og opnar sig um erfiðleikana í samtali við systur sínar, Kendall Jenner og Kylie Jenner.

„Hann ætti að eiga eiginkonu sem styður hann í öllu sem hann gerir og ferðast með honum út um allt og gerir allt og ég get það ekki,“ segir Kim grátandi.

„Mér líður eins og ég sé misheppnuð og þetta er þriðja fokking hjónabandið mitt. Já mér líður eins og algjörum lúser.“

Horfðu á stiklu úr þættinum hér að neðan.