Una Guðmunds matgæðingur DV leggur til að fólk njóti samkomutakmarkana heima við með heimabakstri og spjalli.
„Þessa gulrótarköku fékk ég að smakka hjá frænku minni í sumar og fannst hún einstaklega góð. Ekta haustkaka með góðum kaffibolla. Ferskar gulrætur, blandaðar hnetur og kanill; þessi blanda getur ekki klikkað,“ segir Una Guðmundsdóttir matgæðingur DV.
Gulrótarkaka
2 dl olía
200 g púðursykur
4 egg
175 g hveiti
1 tsk. lyftiduft
1 tsk. matarsódi
400 g gulrætur (rifnar)
1 bolli rúsínur
250 g hnetur (ég notaði heslihnetur og pekanhnetur )
Hreinsið og rífið gulræturnar.Blandið öllu saman í skál og hrærið vel saman.
Smyrjið eldfast form, setjið deigið í og bakið í ofni við 180 gráður í um 3 5 mínútur.
Rjómaostakrem
200 g rjómi
100 g rjómaostur, við stofuhita
2 msk. flórsykur
Þeytið rjómann. Bætið rjómaostinum og flórsykrinum saman við.
Smyrjið kökuna með kreminu þegar hún hefur aðeins fengið að kólna.
Verði ykkur að góðu.