Hjartalæknirinn var ákærður fyrir þrjú umferðarlagabrot. Á sunnudagsmorgni í maí ók hann bifreið sinni á 72 kílómetra hraða á klukkustund þar sem leyfður hámarkshraði var einungis 50 kílómetra á klukkustund. Hann var sviptur ökuréttindum á staðnum vegna þessa.
Í hádeginu sama dag var hann tekinn fyrir að keyra án ökuréttinda. Þá var hann aftur tekinn fyrir að keyra án ökuréttinda 9 dögum síðar.
Hjartalæknirinn viðurkenndi það skýlaust að hafa gerst sekur um þá háttsemi sem honum var gefin að sök í ákærunni. Hann var í kjölfarið dæmdur í fjögurra mánaða fangelsi vegna þessa brota.
Þetta var ekki fyrsta brot hjartalæknisins og má raunar segja að hann hafi síendurtekið brotið af sér. Hann hafði fjórum sinnum áður sætt refsingu vegna brota. Árið 2013 fékk hann sekt fyrir ökubrot, var sviptur ökurétti í kjölfarið og dæmdur í 30 daga fangelsi. Þá lauk hann afplánun dómsins með samfélagsþjónustu.
Þá var hjartalæknirinn einnig fundinn sekur um að hafa á tímabilinu 15. júní 2018 til 31. október 2019 ekið 9 sinnum án þess að hafa ökuréttindi.
